«Al-Hilol» «Vest Xem» bilan taxminan 65 million funt sterlinglik kelishuvga erishgach, bugunga Krisensio Sammervill uchun tibbiy ko‘rik tayinladi.

Shunga qaramay, «Roma» hali ham Sammervill fikridan qaytishiga umid qilmoqda. Futbolchi va «Al-Hilol» o‘rtasida moliyaviy shartlar allaqachon kelishib olingan, Saudiya klubi bitimni bugunoq yakunlashni rejalashtirmoqda.

«Roma»ning oxirgi taklifi 40 million funtni tashkil etgan edi. «Vest Hem» esa Sammervillga tibbiy ko‘rikdan o‘tish uchun safar qilishga ruxsat berib bo‘lgan. Bu haqda jurnalist Ben Jeykobs yozmoqda.

Oldinroq yarim himoyachiga APL grandi ham qiziqish bildirgan edi. O‘tgan mavsumda niderlandiyalik futbolchi klub miqyosidagi 34 ta o‘yinda 7 ta gol urdi va 5 ta golli uzatmaga mualliflik qildi.