«Ал-Ҳилол» «Вест Хэм» билан тахминан 65 миллион фунт стерлинглик келишувга эришгач, бугунга Крисенсио Саммервилл учун тиббий кўрик тайинлади.
Шунга қарамай, «Рома» ҳали ҳам Саммервилл фикридан қайтишига умид қилмоқда. Футболчи ва «Ал-Ҳилол» ўртасида молиявий шартлар аллақачон келишиб олинган, Саудия клуби битимни бугуноқ якунлашни режалаштирмоқда.
«Рома»нинг охирги таклифи 40 миллион фунтни ташкил этган эди. «Вест Ҳэм» эса Саммервиллга тиббий кўрикдан ўтиш учун сафар қилишга рухсат бериб бўлган. Бу ҳақда журналист Бен Жейкобс ёзмоқда.
Олдинроқ ярим ҳимоячига АПЛ гранди ҳам қизиқиш билдирган эди. Ўтган мавсумда нидерландиялик футболчи клуб миқёсидаги 34 та ўйинда 7 та гол урди ва 5 та голли узатмага муаллифлик қилди.
