Madridning «Real» klubi vingeri Franko Mastantuonoga transfer bozorida talab yuqori bo‘lmoqda.

Jurnalist Fabrisio Romanoning xabar berishicha, «qirollik klubi» argentinalik futbolchi bo‘yicha La Liga va boshqa xorij chempionatlarining uch-to‘rtta klubidan taklif olgan. Gap ijara kelishuvi haqida bormoqda. «Real» rahbariyati futbolchining kelajagiga ishonadi, shu sababli uni aslo sotishmaydi, ammo mavsum oxirigacha sotib olish huquqisiz ijaraga berishlari mumkin.

Franko Mastantuono o‘tgan yili Argentinaning «River Pleyt» klubidan «Real»ga ko‘chib o‘tgan edi. Avgust oyida ushbu istiqbolli futbolchi 19 yoshni qarshi oladi.

O‘tgan mavsumda Mastantuono madridliklar safida 35 ta o‘yinda maydonga tushib, 3 ta gol urgan va 1 ta golli uzatmaga mualliflik qilgan.