Italiyada sport jurnalisti Luka Espozito shafqatsizlarcha o‘ldirildi.

18 iyuldan 19 iyulga o‘tar kechasi Eboli atrofidagi qishloq joyida sodir bo‘lgan yong‘inni o‘chirishga kelgan o‘t o‘chiruvchilar 53 yoshli jurnalistning kuyib ketgan jasadini topdilar.

Rai xabariga ko‘ra, Espozito halok bo‘lgan joydan bir nechta gilza topilgan, biroq keyingi yorib ko‘rish jarayonida o‘q otar quroldan yetkazilgan jarohat belgilari aniqlanmagan. Tergovning taxmin qilishicha, jurnalist shafqatsizlarcha kaltaklangan, natijada uning bir nechta suyaklari singan va shundan so‘ng unga o‘t qo‘yib yuborilgan. Marhumning shaxsini faqat hodisa joyi yaqinida to‘xtatilgan va Espozito nomiga ro‘yxatdan o‘tkazilgan avtomobil tufayli aniqlashga erishildi.

Hozirda tergov jinoyat qurolini qidirmoqda, shuningdek, yo‘ldagi kameralar yozuvlarini to‘plagan holda, Espozito avtomobilining qotillik sodir bo‘lgan joygacha bo‘lgan yo‘nalishini aniqlamoqda. Yo‘nalishning bir qismida kuzatuv kameralari yo‘qligi qayd etilgan. Bundan tashqari, polisiya jurnalistning kasbiy faoliyati va shaxsiy hayoti tafsilotlarini qayta tiklagan holda, qotillikning ehtimoliy motivlarini aniqlashga harakat qilmoqda.