Ikkinchi oraliq vazn toifasida boks bo‘yicha sobiq mutlaq jahon chempioni, 36 yoshli meksikalik Saul «Kanelo» Alvares faoliyatini yakunlaganidan so‘ng boks bilan shug‘ullanishda davom etish-etmasligi haqida gapirib berdi.
«Faoliyatimni yakunlab, nafaqaga chiqqanimdan so‘ng ham baribir sport va boks bilan, u yoki bu narsalar bilan shug‘ullanishda davom etaveraman. Ammo boshqa ishlarim ham bor, keyinchalik bor e’tiborimni 100 foiz o‘sha sohaga qarataman. Men juda katta gonorarlar olganman, lekin haligacha boksni yaxshi ko‘raman. Hatto katta pullar olishni to‘xtatsam ham, boksga bo‘lgan mehrim hech qayerga yo‘qolmaydi. Boksni sevaman. Lekin isbotlaydigan hech narsam qolmagan, chunki hamma narsani bajarib bo‘ldim. Boksda deyarli barcha cho‘qqilarga erishdim», — dedi Alvares The Ariel Helwani Show YouTube-kanalida.
