«Chelsi» Maksans Lakrua transferi bo‘yicha ishlarni davom ettirmoqda.

«Ko‘klar» 26 yoshli himoyachining transferi bo‘yicha «Kristal Pelas» bilan kelishuvga erishishga yaqin turibdi, deb xabar bermoqda Sky Sports.

Ta’kidlanishicha, «burgutlar» ushbu transferdan 55 million funtdan ko‘proq mablag‘ ishlab olmoqchi — avvalroq Jan-Pol van Xekke aynan shuncha summaga «Brayton»dan «Tottenxem»ga o‘tgan edi.

APLning o‘tgan mavsumida Lakrua 35 ta o‘yinda maydonga tushib, 1 ta gol urdi va 2 ta golli uzatmaga mualliflik qildi.