Londonning «Arsenal» klubi braziliyalik yarim himoyachi Bruno Gimaraesning transferi bo‘yicha «Nyukasl» bilan muzokaralar o‘tkazishni rejalashtirmoqda. Insayder Fabrisio Romanoning X ijtimoiy tarmog‘ida xabar berishicha, «kanonirlar»ning 82 million yevrolik taklifi oshirish uchun qayta ko‘rib chiqiladi.
Manbaning ma’lumotiga ko‘ra, «Arsenal» va Gimaraes o‘rtasidagi shaxsiy shartnoma shartlari allaqachon kelishib olingan. Bitimning yakunlanishi «Nyukasl»ning qaroriga bog‘liq bo‘ladi. Muzokaralarni kelasi haftada o‘tkazish rejalashtirilmoqda.
Oldinroq «Nyukasl»ni vinger Entoni Gordon va yarim himoyachi Sandro Tonali tark etgan edi. Xabar qilinishicha, angliyalik futbolchi 80 million yevro evaziga «Barselona»ga o‘tgan. Itayan esa «Tottenxem» a’zosiga aylandi. Uning transferi 108 million yevroga baholanmoqda.
