Londonning «Chelsi» klubi himoyachisi Benua Badyashil tumanli Albionni Italiyaga almashtirishi mumkin. Bu haqda insayder Nikolo Skira ijtimoiy tarmoqlar orqali xabar bermoqda.

Manbaning ma’lumotiga ko‘ra, klublar o‘yinchini keyinchalik sotib olish huquqi bilan ijaraga berish masalasini muhokama qilishmoqda. Kelishuv Neapol klubiga 20-23 million yevroga tushishi mumkin. Badyashilning o‘zi «Napoli»ga o‘tishga dastlabki roziligini berdi.

25 yoshli markaziy himoyachi 2023 yilning boshidan beri «Chelsi» safida to‘p surib kelmoqda. Tomonlar o‘rtasidagi amaldagi shartnoma muddati 2030 yilning iyun oyi oxirida yakuniga etadi. Transfermarkt portali ekspertlari futbolchining bozor qiymatini 15 million yevroga baholamoqda.