Yaqinda Madridning «Real» klubi «Levante»dan 21 yoshli hujumchi Karlos Espi transfer qilinganini e’lon qilgan edi. «Qaymoqranglilar» safiga o‘tgani haqida gapirar ekan, ispaniyalik futbolchi faoliyatidagi bunday keskin burilishdan hayratda qolganini tan oldi.
«Real»ga o‘tishim juda tez, go‘yoki hech qayerdan paydo bo‘lmagandek sodir bo‘ldi. Buni umuman kutmagan edim. Juda ham baxtiyorman — bu chinakam orzu», — deya madridliklarning yangi a’zosi so‘zlarini insayder Fabrisio Romano keltiradi.
Mish-mishlarga ko‘ra, «Real» va «Levante» o‘rtasidagi kelishuv summasi 25 million yevroni tashkil etdi. Ushbu mablag‘ Espining sobiq jamoasi bilan tuzgan shartnomasida tovon puli sifatida ko‘rsatilgan edi. Futbolchining Madrid klubi bilan tuzgan shartnomasi 2031 yilning yoziga qadar mo‘ljallangan.
