«Bayer» himoyachi Migel Gutyerres transferi bo‘yicha «Napoli» bilan muzokaralarning yakuniy bosqichida turibdi. Bu haqda Football Italia nashri xabar beradi.

Manbaning xabariga ko‘ra, Leverkuzen klubi 25 yoshli ispaniyalik futbolchi uchun taxminan 25 million yevro va qo‘shimcha bonuslar to‘lashga tayyor. Dastlab neapolliklar o‘yinchi uchun 30 million yevro talab qilishayotgan edi.

Gutyerres o‘tgan yozda «Jirona»dan «Napoli»ga 18 million yevro evaziga o‘tgan edi. Madridning «Real» klubi tarbiyalanuvchisi hisoblangan futbolchi o‘tgan mavsumda barcha musobaqalarda 36 ta o‘yinda maydonga tushib, 1 ta gol urgan va 1 ta golli uzatma muallifiga aylangan.

Gutyerres sotilgandan so‘ng «Napoli» transfer bozorida faolroq harakat qilishi kutilmoqda. Neapol klubining asosiy nishoni «Chelsi» himoyachisi Benua Badyashil bo‘lib turibdi.