MLSning 2026 yilgi mavsumi doirasida «Inter Mayami» o‘z maydonida «Kolambus Kryu»ni qabul qildi. «Nu Stedium»da bo‘lib o‘tgan uchrashuv 2:2 hisobidagi durang bilan yakunlandi.
Uchrashuvning 16-daqiqasida Luis Suares Yannik Braytning uzatmasidan keyin hisobni ochdi. Biroq birinchi bo‘limda mehmonlar hisobni tenglashtirishdi. «Inter Mayami»ning yangi futbolchisi Kazemiro o‘z darvozasiga to‘p kiritib qo‘ydi. Bu uning yangi jamoa safidagi ilk uchrashuvi edi.
Birinchi bo‘limga qo‘shib berilgan vaqtda Noa Allen Suaresning assistidan so‘ng mezbonlarni yana oldinga olib chiqdi.
84-daqiqada esa «Kolambus Kryu»ning yangi a’zosi, sobiq «Real Sosyedad» yarim himoyachisi Brays Mendes hisobni yana tenglashtirdi.
Shuningdek, Argentina terma jamoasi futbolchilari Rodrigo De Paul va Lionel Messi jahon chempionatidan keyingi rejalashtirilgan ta’til sabab o‘tkazib yuborgan bir necha uchrashuvdan so‘ng ilk bor maydonga qaytishdi. Ular bu safar gol yoki assist qayd eta olishmadi.
De Paul uchrashuvni to‘liq o‘tkazgan bo‘lsa, Messi 53-daqiqada zaxiradan maydonga tushirildi.
Bu natijadan keyin «Inter Mayami»ning MLSdagi olti o‘yinlik g‘alabali seriyasi o‘z nihoyasiga yetdi. Jamoa 18 ta o‘yindan so‘ng 38 ochko bilan Sharqiy konferensiyada ikkinchi o‘rinni egallab turibdi. «Kolambus Kryu» esa 18 ochko bilan 11-pog‘onadan joy olgan.
MLS. 2 avgust
«Inter Mayami» — «Kolambus Kryu» — 2:2
Gollar:
-
1:0 — Luis Suares, 16
-
1:1 — Kazemiro (avtogol), 34
-
2:1 — Noa Allen, 45+5
-
2:2 — Brays Mendes, 84
