Fransiya terma jamoasining sobiq a’zosi Kristof Dyugarri Zinedin Zidanning murabbiy bo‘lishiga hech qachon ishonmaganini tan oldi. U o‘z fikrini shunday tushuntirdi.
«Balki bu erish tuyular, lekin men buni aslo tasavvur qila olmagandim. Uning futbolda qolishiga amin edim, ammo tamoman boshqa maqomda — klub prezidenti, egasi, aksioneri yoki rahbari sifatida, lekin murabbiylar o‘rindig‘ida emas», — dedi Dyugarri Fransiyaning L'Equipe nashriga bergan intervyusida.
Eslatib o‘tamiz, Zinedin Zidan Fransiya terma jamoasining yangi bosh murabbiyiga aylandi. U ushbu lavozimda roppa-rosa 14 yil davomida terma jamoani boshqargan Didye Deshamning o‘rnini egalladi.
