Transferlar bo‘yicha ekspert Fabrisio Romanoning xabar berishicha, «Kyoln» klubi «Tottenxem» vingeri Mayki Murni ijaraga olish bo‘yicha rasmiy taklif yubordi.

Ikki klub o‘rtasidagi muzokaralar ilg‘or bosqichda bormoqda. 18 yoshli futbolchining o‘zi ushbu transferga rozilik bildirganidan so‘ng, kelishuv kelasi haftadayoq yakunlanishi mumkin.

Romanoning ta’kidlashicha, yuqori baholanayotgan vingerga bir qator klublar qiziqish bildirgan, ammo «Kyoln» uni o‘z safiga qo‘shib olish poygasida yaqqol favoritga aylangan.

Germaniya klubi transfer oynasi yopilguniga qadar «Tottenxem» bilan kelishuvni to‘liq rasmiylashtirish uchun muzokaralarni faol davom ettirmoqda.