Трансферлар бўйича эксперт Фабрицио Романонинг хабар беришича, «Кёльн» клуби «Тоттенхэм» вингери Майки Мурни ижарага олиш бўйича расмий таклиф юборди.
Икки клуб ўртасидаги музокаралар илғор босқичда бормоқда. 18 ёшли футболчининг ўзи ушбу трансферга розилик билдирганидан сўнг, келишув келаси ҳафтадаёқ якунланиши мумкин.
Романонинг таъкидлашича, юқори баҳоланаётган вингерга бир қатор клублар қизиқиш билдирган, аммо «Кёльн» уни ўз сафига қўшиб олиш пойгасида яққол фаворитга айланган.
Германия клуби трансфер ойнаси ёпилгунига қадар «Тоттенхэм» билан келишувни тўлиқ расмийлаштириш учун музокараларни фаол давом эттирмоқда.
