«Barselona» golkiperi Joan Garsiya klubning Madridning «Atletiko» jamoasi hujumchisi Xulian Alvaresga bo‘lgan qiziqishi haqidagi fikrlari bilan o‘rtoqlashdi. 26 yoshli argentinalik futbolchi anchadan beri Kataloniya grandining eng ustuvor nishoni hisoblanadi, biroq «matraschilar» o‘z yulduzini sotishni — ayniqsa raqobatchilarga berishni istamayapti.
«Men Xulianni fantastik futbolchi deb hisoblayman. Futbolni sevadigan va Alvaresning o‘yinini ko‘rgan har bir kishi uning qanchalik yaxshi ekanini darhol tushunadi. Ammo «Barselona» qancha pul to‘lashga tayyorligini hal qilish mening vakolatimga kirmaydi. Ishonchim komilki, klub barcha sovrinlar uchun kurashishga qodir bo‘lgan eng kuchli tarkibni yig‘ish uchun hamma narsani qiladi», — dedi Joan Garsiya Barca Universal nashriga bergan intervyusida.
Mish-mishlarga ishonadigan bo‘lsak, «ko‘k-anorranglilar» Alvares uchun taxminan 100 million yevro taklif qilishgan.
