«Барселона» голкипери Жоан Гарсия клубнинг Мадриднинг «Атлетико» жамоаси ҳужумчиси Хулиан Альваресга бўлган қизиқиши ҳақидаги фикрлари билан ўртоқлашди. 26 ёшли аргентиналик футболчи анчадан бери Каталония грандининг энг устувор нишони ҳисобланади, бироқ «матрасчилар» ўз юлдузини сотишни — айниқса рақобатчиларга беришни истамаяпти.
«Мен Хулианни фантастик футболчи деб ҳисоблайман. Футболни севадиган ва Альвареснинг ўйинини кўрган ҳар бир киши унинг қанчалик яхши эканини дарҳол тушунади. Аммо «Барселона» қанча пул тўлашга тайёрлигини ҳал қилиш менинг ваколатимга кирмайди. Ишончим комилки, клуб барча совринлар учун курашишга қодир бўлган энг кучли таркибни йиғиш учун ҳамма нарсани қилади», — деди Жоан Гарсия Barca Universal нашрига берган интервьюсида.
Миш-мишларга ишонадиган бўлсак, «кўк-анорранглилар» Альварес учун тахминан 100 миллион евро таклиф қилишган.
