«Milan» vinger Rafael Leau bo‘yicha «Fenerbaxche»ning taklifiga rad javobini berdi.

Turkiya klubi portugaliyalik futbolchini keyinchalik sotib olish huquqi bilan ijaraga olish bitimini taklif qilgan, biroq bu variant «rossoneri»larni qanoatlantirmagan, deb xabar beradi insayder Fabrisio Romano. Muzokaralar davom etmoqda, ammo endi ijara varianti mutlaqo chiqarib tashlangan. Istanbulliklardan yangi taklif yaqin orada kelib tushishi mumkin.

Rafael Leauning bozor qiymati Transfermarkt sayti tomonidan 50 million yevroga baholanmoqda. Mish-mishlarga ko‘ra, «Fenerbaxche» 27 yoshli futbolchiga bonuslarni hisobga olgan holda yiliga taxminan 12 million yevro to‘lashga tayyor. Futbolchi 2019 yildan beri «Milan» sharafini himoya qilib kelmoqda.