«Милан» вингер Рафаэл Леау бўйича «Фенербахче»нинг таклифига рад жавобини берди.

Туркия клуби португалиялик футболчини кейинчалик сотиб олиш ҳуқуқи билан ижарага олиш битимини таклиф қилган, бироқ бу вариант «россонери»ларни қаноатлантирмаган, деб хабар беради инсайдер Фабрицио Романо. Музокаралар давом этмоқда, аммо энди ижара варианти мутлақо чиқариб ташланган. Истанбулликлардан янги таклиф яқин орада келиб тушиши мумкин.

Рафаэл Леаунинг бозор қиймати Transfermarkt сайти томонидан 50 миллион еврога баҳоланмоқда. Миш-мишларга кўра, «Фенербахче» 27 ёшли футболчига бонусларни ҳисобга олган ҳолда йилига тахминан 12 миллион евро тўлашга тайёр. Футболчи 2019 йилдан бери «Милан» шарафини ҳимоя қилиб келмоқда.