Madridning «Real» klubi Vinisius Junior bilan shartnomani uzaytirish bo‘yicha yangi muzokaralar o‘tkazadi.

Amaldagi bitim kelasi yilning yozida o‘z nihoyasiga yetadi va ilgari tomonlar kelishuvning moliyaviy tafsilotlari bo‘yicha bir qarorga kela olishmagan edi. Jurnalist Arancha Rodrigesning xabar berishicha, klubda baribir yangi bitim imzolanishi kutilmoqda va vingerning o‘zi ham shunday fikrda. Har ikki tomon ham hamkorlikni davom ettirishga shay va muzokaralar muvaffaqiyatli yakunlanishiga umid qilmoqda.

Vinisiusning kelajagi aynan shu haftada hal bo‘lishi mumkin. 26 yoshli futbolchiga Londonning «Arsenal» klubi qiziqish bildirmoqda va braziliyalik futbolchi Madridni tark etishga qaror qilgan taqdirda, uni o‘z safiga qo‘shib olishni rejalashtirgan edi.