Мадриднинг «Реал» клуби Винисиус Жуниор билан шартномани узайтириш бўйича янги музокаралар ўтказади.

Амалдаги битим келаси йилнинг ёзида ўз ниҳоясига етади ва илгари томонлар келишувнинг молиявий тафсилотлари бўйича бир қарорга кела олишмаган эди. Журналист Аранча Родригеснинг хабар беришича, клубда барибир янги битим имзоланиши кутилмоқда ва вингернинг ўзи ҳам шундай фикрда. Ҳар икки томон ҳам ҳамкорликни давом эттиришга шай ва музокаралар муваффақиятли якунланишига умид қилмоқда.

Винисиуснинг келажаги айнан шу ҳафтада ҳал бўлиши мумкин. 26 ёшли футболчига Лондоннинг «Арсенал» клуби қизиқиш билдирмоқда ва бразилиялик футболчи Мадридни тарк этишга қарор қилган тақдирда, уни ўз сафига қўшиб олишни режалаштирган эди.