Xalqaro shaxmat federasiyasi (FIDE) avgust oyi uchun federasiyalarning yangi reytingini e’lon qildi. Unga ko‘ra O‘zbekiston erkaklar terma jamoasi bir pog‘ona yuqorilab, 8-o‘rindan joy oldi.

Terma jamoamizning Top-10 shaxmatchilari o‘rtacha reytingi 2626 ni tashkil etdi.

Terma jamoalar reytingini AQSH boshqarib turibdi. Hidiston terma jamoasi 2-o‘rinni egallagan. 3-pog‘onadan Xitoy joy olgan.

Avvalroq, FIDE iyul oyi yakunlariga ko‘ra dunyoning eng kuchli shaxmatchilari ro‘yxatini e’lon qilgandi. Kuchli 100 talik ro‘yxatda O‘zbekistondan 5 nafar grossmeyster o‘rin olgani e’tiborga molik.

O‘zbekistonning birinchi raqamli shaxmatchisi bo‘lib turgan Javohir Sindorov 2777 ochko bilan Jahon reytingida 4-o‘rinni band etdi. Nodirbek Abdusattorovning hisobida esa 2762 ochko mavjud bo‘lib, u FIDE reytingida 8-pog‘onadan joy oldi.

Kuchli 100 talikdagi yana uch nafar o‘zbekistonlik grossmeysterning o‘rinlari quyidagicha ko‘rinish oldi:

Nodirbek Yoqubboyev — 2685 ochko (39-o‘rin);
Rustam Qosimjonov — 2665 ochko (52-o‘rin);
Shamsiddin Vohidov — 2655 ochko (61-o‘rin).