Халқаро шахмат федерацияси (FIDE) август ойи учун федерацияларнинг янги рейтингини эълон қилди. Унга кўра Ўзбекистон эркаклар терма жамоаси бир поғона юқорилаб, 8-ўриндан жой олди.

Терма жамоамизнинг Топ-10 шахматчилари ўртача рейтинги 2626 ни ташкил этди.

Терма жамоалар рейтингини АҚШ бошқариб турибди. Ҳидистон терма жамоаси 2-ўринни эгаллаган. 3-поғонадан Хитой жой олган.

Аввалроқ, FIDE июль ойи якунларига кўра дунёнинг энг кучли шахматчилари рўйхатини эълон қилганди. Кучли 100 талик рўйхатда Ўзбекистондан 5 нафар гроссмейстер ўрин олгани эътиборга молик.

Ўзбекистоннинг биринчи рақамли шахматчиси бўлиб турган Жавоҳир Синдоров 2777 очко билан Жаҳон рейтингида 4-ўринни банд этди. Нодирбек Абдусатторовнинг ҳисобида эса 2762 очко мавжуд бўлиб, у ФИДE рейтингида 8-поғонадан жой олди.

Кучли 100 таликдаги яна уч нафар ўзбекистонлик гроссмейстернинг ўринлари қуйидагича кўриниш олди:

Нодирбек Ёқуббоев — 2685 очко (39-ўрин);
Рустам Қосимжонов — 2665 очко (52-ўрин);
Шамсиддин Воҳидов — 2655 очко (61-ўрин).