Super og‘ir vazn toifasida yengilmas sobiq mutlaq jahon chempioni, 39 yoshli ukrainalik Aleksandr Usik hozirgi vaqtda o‘zini sayyoraning eng yaxshi og‘ir vaznli bokschisi deb hisoblashi yoki hisoblamasligi haqidagi savolga javob berdi.
«Ehtimol, bilmadim. Men o‘zimni hamisha autsayder rolida ko‘raman. Lekin o‘zimni yaxshi his qilyapman va mashg‘ulotlarni, bokschilik faoliyatimni rivojlantirishni davom ettiryapman», — deydi Usikning so‘zlaridan iqtibos keltirgan The Ring jurnali.
Ukrainalik bokschining professional rekord hisobida 25 ta g‘alaba (ulardan 16 tasi muddatidan oldin qo‘lga kiritilgan) va birorta ham mag‘lubiyat yo‘q. Aleksandr Usik profi boksda 2013 yilning noyabrida debyut qilgan. Sportchi 2012 yilgi Olimpiada o‘yinlarining boks bo‘yicha chempioni hisoblanadi.
