Ikkinchi oraliq vazn toifasida boks bo‘yicha sobiq absolyut jahon chempioni, Kanelo laqabi bilan mashhur bo‘lgan 36 yoshli meksikalik Saul Alvares qaysi holatda boksdagi faoliyatini yakunlash qarorini qabul qilishini aytib berdi.
«Agar sport zalida bo‘lganimda ko‘p zarbalar o‘tkazib yuborsam va keyin tanam bunga keraklicha javob qaytara olmasa, unda faoliyatimni yakunlash vaqti kelganini tushunaman. Bunday tayyorgarlik bilan janglarga chiqmoqchi emasman, chunki mashg‘ulotlarda hamma narsa ko‘rinadi. Boksdan tashqari boshqa ishlarim ham bor», — deydi Alvaresning so‘zlarini Sherdog portali.
Saul o‘z hisobida 63 ta g‘alaba (shundan 39 tasi nokaut bilan), uchta mag‘lubiyat va hakamlar qarori bilan durang deb topilgan ikkita jangga ega.
