Иккинчи оралиқ вазн тоифасида бокс бўйича собиқ абсолют жаҳон чемпиони, Канело лақаби билан машҳур бўлган 36 ёшли мексикалик Сауль Альварес қайси ҳолатда боксдаги фаолиятини якунлаш қарорини қабул қилишини айтиб берди.
«Агар спорт залида бўлганимда кўп зарбалар ўтказиб юборсам ва кейин танам бунга кераклича жавоб қайтара олмаса, унда фаолиятимни якунлаш вақти келганини тушунаман. Бундай тайёргарлик билан жангларга чиқмоқчи эмасман, чунки машғулотларда ҳамма нарса кўринади. Боксдан ташқари бошқа ишларим ҳам бор», — дейди Альвареснинг сўзларини Sherdog портали.
Сауль ўз ҳисобида 63 та ғалаба (шундан 39 таси нокаут билан), учта мағлубият ва ҳакамлар қарори билан дуранг деб топилган иккита жангга эга.
