«Parma»ning yaponiyalik darvozaboni Dzion Sudzuki Fransiyaning «Pari Sen-Jermen» klubi bilan 2031 yilgacha mo‘ljallangan shartnoma bo‘yicha prinsipial kelishuvga erishdi. Bu haqda jurnalist va insayder Nikolo Skira X ijtimoiy tarmog‘idagi sahifasida xabar bermoqda.
Manba xabariga ko‘ra, «Parma» yaponiyalik futbolchining transferi uchun bonuslarni hisobga olgan holda 40 million yevro so‘ragan. Qayd etilishicha, «PSJ» allaqachon «Parma» uchun transfer bo‘yicha yangi taklif tayyorlamoqda.
Avvalroq Fransiya grandi Sudzukining o‘tishi uchun «Parma»ga 33 million yevro miqdorida taklif yuborgani haqida xabar berilgan edi.
Suzuki 2024 yildan beri «Parma» sharafini himoya qilib kelmoqda, ushbu davr mobaynida u A Seriyada 57 ta o‘yin o‘tkazgan va Yaponiya terma jamoasi safida 28 ta uchrashuvda maydonga tushgan.
