«Парма»нинг япониялик дарвозабони Дзион Судзуки Франциянинг «Пари Сен-Жермен» клуби билан 2031 йилгача мўлжалланган шартнома бўйича принципиал келишувга эришди. Бу ҳақда журналист ва инсайдер Николо Скира X ижтимоий тармоғидаги саҳифасида хабар бермоқда.
Манба хабарига кўра, «Парма» япониялик футболчининг трансфери учун бонусларни ҳисобга олган ҳолда 40 миллион евро сўраган. Қайд этилишича, «ПСЖ» аллақачон «Парма» учун трансфер бўйича янги таклиф тайёрламоқда.
Аввалроқ Франция гранди Судзукининг ўтиши учун «Парма»га 33 миллион евро миқдорида таклиф юборгани ҳақида хабар берилган эди.
Сузуки 2024 йилдан бери «Парма» шарафини ҳимоя қилиб келмоқда, ушбу давр мобайнида у А Серияда 57 та ўйин ўтказган ва Япония терма жамоаси сафида 28 та учрашувда майдонга тушган.
