"Arsenal" yarim himoyachisi Kay Xaverts "kanonirlar"ning yangi mavsumda barcha sovrinlarni qo‘lga kiritish istagi borligini ma’lum qildi.

"O‘ylashimcha, biz yanada oldinga borishimiz mumkin va buni qilishimiz shart. Boshqa jamoalar qanday kuchayayotganini ko‘rib turibsiz, shu sababli biz ham yana yangi darajaga chiqishimiz kerak. Mavsumdagi maqsadlarimizga erishish uchun hammamiz shu yerdamiz, shuning uchun mashg‘ulot o‘tkazamiz va ushbu o‘rtoqlik o‘yinlarida maydonga tushamiz. Fikrimcha, biz barcha sovrinlarni yutishni xohlaymiz. Buning uchun shu yerdamiz. Oxirgi bir nechta mavsumda ko‘p narsani boy berib qo‘ydik. Endi Angliya Premyer-ligasida g‘olib chiqdik, ammo bundan ham kattaroq natijalarga erishishimiz mumkin.

Bu amalga oshishi uchun biz yangi darajaga chiqishimiz kerak. Mavsum qanchalik uzoq davom etishini va turnirlar qanchalik og‘ir kechishini bilamiz. Yangi mavsumda yanada yaxshiroq o‘yin ko‘rsatib, yana muvaffaqiyatga erishishni istaymiz", — dedi Xaverts Daily Mail nashriga.

O‘tgan mavsumda London klubi APL chempioniga aylandi va Chempionlar ligasi finaliga qadar yetib bordi.