«Inter» yangi mavsum oldidan hujum chizig‘ini kuchaytirish ishlarini davom ettirgan holda, «Atletiko Madrid» vingeri Niko Gonsalesni transfer maqsadlari ro‘yxatiga qo‘shdi.

Janluka Di Marsioning xabar berishicha, Argentina terma jamoasi a’zosi o‘tgan yili «Atletiko»ga o‘tishidan oldin «neradzzurri» e’tiborida bo‘lgan edi va endilikda u yana bir bor variant sifatida kun tartibiga qaytdi.

Mussa Diabi hamon «Inter»ning hujum qanoti uchun eng maqbul nomzodi bo‘lib qolmoqda, ammo muzokaralar manfaatli moliyaviy shartlarga bog‘liq. Xabarlarga ko‘ra, Italiya klubi «Al-Ittihod» vinger maoshining bir qismini o‘z zimmasiga olishiga umid qilmoqda, shuningdek, yarim himoyachi Kristian Aslani ham ushbu bitimga qo‘shilishi mumkin.

Shu bilan birga, «Inter» ehtimoliy transfer imkoniyatlarini baholash uchun Niko Gonsalesning vakillari bilan dastlabki aloqalarni o‘rnatib bo‘ldi. Muhokamalar hali boshlang‘ich bosqichda va 28 yoshli futbolchi Diabi transferi amalga oshmay qolgan taqdirda muqobil variant sifatida ko‘rib chiqilmoqda.