UFC ligasiga egalik qiluvchi TKO Group xoldingi ikkinchi chorak bo‘yicha moliyaviy hisobotini e’lon qildi. Unda UFC White House — Freedom 250 turnirini o‘tkazishdan ko‘rilgan zararlar aks etgan.
«Biz odatdagidan sezilarli darajada yuqori xarajatlarga duch keldik va ularni global hamkorlik kelishuvlari doirasida sotilgan chiptalar hisobidan qisman qopladik. Eslatib o‘tamiz, biz chiptalarni sotmadik va shu sababli tadbirni o‘tkazishdan hech qanday daromad olmadik. Tadbirning miqyosini hisobga olgan holda, u kutilganidek qariyb 30 million dollar miqdorida zarar keltirdi va bu UFC’ning ham, umuman xoldingimizning ham marjasiga jiddiy ta’sir ko‘rsatdi», — deydi TKO moliyaviy direktori Endryu Shleymer MMA Fighting portaliga bergan xabarida.
Dastlab tadbir xarajatlari 60 million dollardan ortib, keskin oshib ketishi kutilgan edi, ammo yakunda UFC tomonidan turnirni o‘tkazish uchun tuzilgan turli hamkorlik shartnomalari evaziga ular kamaytirildi.
