«Liverpul» AQSHdagi mavsumoldi turniridan so‘ng tarkibdagi muammolarga, ayniqsa jamoadan ketgan Muhammad Salohning o‘rnini bosadigan o‘yinchi yetishmovchiligiga duch kelmoqda. Bosh murabbiy Andoni Iraola qanot himoyachilari va hujum chizig‘ini kuchaytirishga muhtoj.
Klub «PSJ»ning 23 yoshli vingeri Bredli Barkolyani sotib olishga harakat qilmoqda, ammo parijliklar futbolchini 170 mln yevro (145 mln funt)ga baholamoqda. Jamoa afsonasi Jeymi Karrager bu transfer mantiqsiz ekanini aytdi, chunki Barkola chap vinger, «Liverpul»ga esa aynan o‘ng qanot hujumchisi zarur.
Agar Barkola transferi amalga oshmasa, mersisaydliklar «Brayton» a’zosi Yankuba Mintega e’tibor qaratishi mumkin.
