«Tottenxem» markaziy himoyachisi Kristian Romeroning Milanning «Inter» klubiga transferi barbod bo‘lish a’rofasida.

«Neradzurri» o‘tish shartlarini og‘zaki ravishda kelishib olgan, ammo o‘z futbolchilaridan biri bilan xayrlashmaguncha transferni yakunlay olmaydi. Insayder Fabrisio Romanoning ma’lumotlariga ko‘ra, oxirgi vaqtlarda vaziyat ijobiy tomonga o‘zgarmagan — bitim hali ham muzlatilgan holatda qolmoqda. Benjamen Pavar, Kristyan Asllani va Davide Frattezining jamoadan ketishi masalasi haligacha hal bo‘lmagani ushbu kechikishga sabab bo‘lmoqda.

28 yoshli «shporlar» sardorini qo‘lga kiritish uchun «Inter»ga «Atletiko Madrid» xalaqit berishi mumkin, ispan klubi futbolchini o‘z safiga qo‘shib olish bo‘yicha allaqachon ish olib bormoqda.