Madridning «Real» klubidan Vinisius Juniorning «Arsenal»ga ehtimoliy o‘tishi futboldagi eng ko‘p muhokama qilinayotgan mavzulardan biri bo‘lib qolmoqda.

«Kanonirlar» futbolchi va «qaymoqranglilar» o‘rtasidagi muzokaralarda yuzaga kelgan qiyinchiliklardan foydalanib qolishlari mumkin. Braziliyaning UOL Esporte portali xabariga ko‘ra, «Arsenal» yulduzli hujumchiga yiliga «sof» 24 million yevro maosh to‘lashga tayyor, shuningdek, futbolchi o‘z imij huquqlarining 100 foizini saqlab qoladi. Madridda London grandining braziliyalikni o‘z tomoniga og‘dirib olish bo‘yicha kuchli istagidan xabardor.

Vinisiusning «Real» bilan amaldagi shartnomasi kelasi yozda o‘z nihoyasiga yetadi. «Qirollik klubi» hali ham forvardning moliyaviy talablarini qondira olmayapti, ammo muzokaralar hali yakunlangani yo‘q.