«Arsenal» ushbu yozda klubning tibbiy va texnik shtabida amalga oshirilayotgan keng ko‘lamli o‘zgarishlar fonida akademik tibbiyot bo‘limini ikkita yangi fizioterapevt bilan mustahkamladi.
Ilgari «Crouch End Clinic»da faoliyat yuritgan Sanches Devis o‘z ijtimoiy tarmog‘idagi sahifasida shunday yozdi: ««Arsenal» akademiyasiga akademik fizioterapevt sifatida qo‘shilganimni e’lon qilishdan mamnunman! Angliya chempionlari tarkibida bo‘lishdan faxrlanaman».
Ilgari «Brentford» klubi orqali Premyer-ligada tajriba orttirgan Omar Mahgub ham akademiyaning yarim stavkadagi fizioterapevti lavozimiga o‘tganini tasdiqladi va buni «klub, uning madaniyati hamda «Arsenal» yo‘lining bir qismiga aylanish» imkoniyati deb atadi.
Ikkala tayinlov ham asosiy jamoaga to‘g‘ridan-to‘g‘ri ta’sir ko‘rsatishi kutilmayapti, biroq ular rahbariyat va asosiy shtabdagi muhim qayta qurishlar ortidan amalga oshirildi.
Yangi samaradorlik bo‘yicha rahbar (Head of Performance) Antonio Gomes allaqachon Mikel Arteta jamoasi bilan ishlashni boshladi. Shu bilan birga, Arnaldo Abrantes doktor Zaf Iqbolning o‘rniga «Aston Villa»dan «Arsenal»ning tibbiyot va samaradorlik bo‘limi rahbari sifatida kelib qo‘shildi, Eneko Angulo esa «Real Betis»dan klubning reabilitasiya bo‘yicha yangi rahbari etib tayinlandi.
