«Renn» va Shveysariya terma jamoasi hujumchisi Brel Embolo bir yo‘la bir nechta klubning qiziqish doirasiga kirdi, deb xabar berdi jurnalist Ben Jakobs X tarmog‘ida.

Manba ma’lumotiga ko‘ra, 29 yoshli shveysariyalik futbolchiga «Napoli» va «Milan», shuningdek, APLning bir nechta klublari qiziqish bildirmoqda va ular ehtimoliy transfer bo‘yicha dastlabki ma’lumotlarni so‘rab bo‘lishgan. «Renn» o‘z futbolchisini 15 million yevro evaziga qo‘yib yuborishga tayyor.

O‘tgan mavsumda Embolo Fransiya chempionatida 31 ta o‘yinda maydonga tushib, 8 ta gol urdi va 3 ta golli uzatmani amalga oshirdi. JCH-2026 turnirida esa u 6 ta uchrashuvda 2 ta gol urib, 2 ta golli uzatmaga mualliflik qildi.