«Ренн» ва Швейцария терма жамоаси ҳужумчиси Брель Эмболо бир йўла бир нечта клубнинг қизиқиш доирасига кирди, деб хабар берди журналист Бен Жакобс Х тармоғида.

Манба маълумотига кўра, 29 ёшли швейцариялик футболчига «Наполи» ва «Милан», шунингдек, АПЛнинг бир нечта клублари қизиқиш билдирмоқда ва улар эҳтимолий трансфер бўйича дастлабки маълумотларни сўраб бўлишган. «Ренн» ўз футболчисини 15 миллион евро эвазига қўйиб юборишга тайёр.

Ўтган мавсумда Эмболо Франция чемпионатида 31 та ўйинда майдонга тушиб, 8 та гол урди ва 3 та голли узатмани амалга оширди. ЖЧ-2026 турнирида эса у 6 та учрашувда 2 та гол уриб, 2 та голли узатмага муаллифлик қилди.