«Napoli» klubi ushbu transfer oynasida «Arsenal» hujumchisi Gabriel Jezus bilan shartnoma imzolash imkoniyatini ko‘rib chiqmoqda, deb xabar beradi Globo Esporte.

Manba ma’lumotiga ko‘ra, agar neapolitanliklar 20 million yevro to‘lashga rozi bo‘lishsa, London klubi 29 yoshli braziliyalik futbolchi bo‘yicha muzokaralarni boshlashga tayyor. Forvardning o‘zi ham ko‘proq o‘yin amaliyotiga ega bo‘lish uchun jamoasini o‘zgartirishga qarshi emas.

O‘tgan mavsumda Jezus «Arsenal» tarkibida 27 ta o‘yinda maydonga tushgan bo‘lib, ularning faqat 9 tasida asosiy tarkibda qayd etilgan. U 2023 yilning iyul oyidan beri «kanonirlar» sharafini himoya qilib kelmoqda va shu vaqt ichida jami 123 ta uchrashuvda 32 ta gol urib, 18 ta golli uzatmaga mualliflik qilgan.