«Наполи» клуби ушбу трансфер ойнасида «Арсенал» ҳужумчиси Габриэл Жезус билан шартнома имзолаш имкониятини кўриб чиқмоқда, деб хабар беради Globo Esporte.

Манба маълумотига кўра, агар неаполитанликлар 20 миллион евро тўлашга рози бўлишса, Лондон клуби 29 ёшли бразилиялик футболчи бўйича музокараларни бошлашга тайёр. Форварднинг ўзи ҳам кўпроқ ўйин амалиётига эга бўлиш учун жамоасини ўзгартиришга қарши эмас.

Ўтган мавсумда Жезус «Арсенал» таркибида 27 та ўйинда майдонга тушган бўлиб, уларнинг фақат 9 тасида асосий таркибда қайд этилган. У 2023 йилнинг июль ойидан бери «канонирлар» шарафини ҳимоя қилиб келмоқда ва шу вақт ичида жами 123 та учрашувда 32 та гол уриб, 18 та голли узатмага муаллифлик қилган.