«Manchester Siti»ning 28 yoshli markaziy yarim himoyachisi Tidjani Reynders faoliyatini «Nottingem Forest»da davom ettirishi mumkin. Bu haqda TEAMtalk nashri xabar bermoqda.
Manba bergan ma’lumotlarga ko‘ra, niderlandiyalik futbolchi «o‘rmonchilar»ning maydon markazini kuchaytirish bo‘yicha asosiy transfer nishoni hisoblanadi. «Manchester Siti» 70 million yevro atrofidagi takliflarni ko‘rib chiqishga tayyorligi aytilmoqda.
«Shaharliklar» Reyndersni o‘tgan yozda «Milan»dan 55 million yevro evaziga sotib olgan edi. Angliya grandi tarkibida xavbek barcha turnirlarda 28 ta o‘yinda maydonga tushib, 5 ta gol urgan va 2 ta golli uzatmaga mualliflik qilgan.
