«Liverpul» «Pari Sen-Jermen» hujumchisi Bredli Barkolani o‘z safiga qo‘shib olish bo‘yicha so‘nggi to‘siqlarni yengib o‘tmoqda. Tomonlar o‘rtasida prinsipial kelishuvga erishib bo‘lindi.

23 yoshli Fransiya terma jamoasi a’zosi mersisaydliklarning transfer ro‘yxatida birinchi o‘ringa ko‘tarildi. Klublar o‘rtasida bonuslarni qo‘shganida taxminan 128 million yevrolik transfer summasi kelishib olingani aytilmoqda. Barkolaning «PSJ» bilan amaldagi shartnomasi tugashiga yana 2 yil bor va u parijliklar bilan bitimni uzaytirmoqchi emas.

Futbolchining o‘zi «Enfild»ga ko‘chib o‘tishni afzal ko‘rmoqda. U o‘tgan mavsumda Luis Enrike qo‘l ostida asosiy tarkibdagi raqobat kuchayganidan so‘ng, «Liverpul»da muhimroq rol o‘ynashni maqsad qilgan. Shuningdek, «PSJ»ning Magnes Akliushni sotib olgani Barkolani qo‘yib yuborish qarorini yengillashtirdi.

Barkolya 2025/26 yilgi mavsumda Liga 1 doirasida 29 ta o‘yinda maydonga tushib, 11 ta gol urishga erishgan edi.