«Atletiko» bosh murabbiyi Diyego Simeone jamoa hujumchisi Xulian Alvares atrofidagi vaziyatga munosabat bildirdi.
«Vaziyat juda aniq. Klub qaror qabul qildi va bosh direktor Migel Anxel bu qarorni juda yaxshi tushuntirib berdi. Biz Xuliandan juda mamnunmiz. Sport nuqtai nazaridan unga rivojlanish va takomillashishda yordam berishda davom etamiz. U bundan keyin ham jamoamizga foyda keltirishini istaymiz. U biz uchun juda ko‘p ishlarni amalga oshirdi», — deya Simeonening so‘zlarini keltiradi Marca.
«Bizda bunday vaziyatlar avval ham bo‘lgan. Grizmann bilan nima sodir bo‘lganini ko‘rganmiz», — deya qo‘shimcha qildi murabbiy.
Avvalroq Xulian Alvaresga «Barselona» va bir qator boshqa klublar qiziqish bildirgani haqida xabarlar tarqalgan edi. Biroq «Atletiko» argentinalik hujumchini sotish niyatida emas.
