«Kristal Pelas» yarim himoyachisi Adam Uortonning transferi uchun qancha mablag‘ talab qilayotgani ma’lum bo‘ldi.

CaughtOffside ma’lumotiga ko‘ra, 22 yoshli futbolchiga hali ham «Real» va «Manchester Yunayted» klublari qiziqish bildirmoqda. Biroq ayni paytda Uorton uchun eng jiddiy da’vogar «Chelsi» hisoblanmoqda.

Ta’kidlanishicha, «Kristal Pelas» ingliz yarim himoyachisini 100 million yevroga baholamoqda. Klubning yuqori talablari hozircha muzokaralarning keyingi bosqichga o‘tishiga to‘sqinlik qilmoqda.

Uorton 2025/26 yilgi mavsumda barcha turnirlarda 53 ta uchrashuvda maydonga tushib, 1 ta gol urdi va 7 ta golli uzatma amalga oshirdi.