«Кристал Пэлас» ярим ҳимоячиси Адам Уортоннинг трансфери учун қанча маблағ талаб қилаётгани маълум бўлди.

CaughtOffside маълумотига кўра, 22 ёшли футболчига ҳали ҳам «Реал» ва «Манчестер Юнайтед» клублари қизиқиш билдирмоқда. Бироқ айни пайтда Уортон учун энг жиддий даъвогар «Челси» ҳисобланмоқда.

Таъкидланишича, «Кристал Пэлас» инглиз ярим ҳимоячисини 100 миллион еврога баҳоламоқда. Клубнинг юқори талаблари ҳозирча музокараларнинг кейинги босқичга ўтишига тўсқинлик қилмоқда.

Уортон 2025/26 йилги мавсумда барча турнирларда 53 та учрашувда майдонга тушиб, 1 та гол урди ва 7 та голли узатма амалга оширди.