Milanning «Inter» klubi «Tottenhem» himoyachisi Kristian Romeroni transfer qilishga harakat qilmoqda. Bu haqda Foot Mercato xabar berdi.
Ma’lumotlarga ko‘ra, italiyalik klub «Tottenhem» bilan 27 yoshli argentinalik futbolchining transferi bo‘yicha 40 mln yevro miqdorida kelishuvga erishgan. Biroq bitim hozircha futbolchining shaxsiy shartlari tufayli amalga oshmayapti.
Romero «Inter»dan yiliga kamida 6 mln yevro maosh talab qilmoqda. Ayni vaqtda bu transferdagi asosiy to‘siq bo‘lib turibdi.
Romeroga «Atletiko» ham qiziqish bildirmoqda. Shunga qaramay, «Inter» futbolchini Italiya chempionatiga qaytishga ko‘ndirishga harakat qilmoqda.
Xabarlarga ko‘ra, «Inter» vise-prezidenti Xavyer Dzanetti va jamoa hujumchisi Lautaro Martines Romero bilan shaxsan bog‘lanib, uni «Inter»ni tanlashga ishontirishga uringan.
Kristian Romero avval Italiya chempionatida «Atalanta» va «Jenoa» klublari safida to‘p surgan.
