Madridning «Real» klubi a’zosi Arda Gyuler «PSJ»ning yangi asosiy transfer nishoniga aylandi. Turkiya va Ispaniya OAVlari xabariga ko‘ra, Fransiya grandi 21 yoshli futbolchi uchun 115 million yevro miqdorida taassurotli taklif yubordi.

«Real» rahbariyati ushbu taklifni ko‘rib chiqmoqda, ammo bitim amalga oshish ehtimoli juda past. Madrid klubida Gyulerni jamoaning eng istiqbolli futbolchilaridan biri deb hisoblashadi.

Turkiya OAVlarining qo‘shimcha qilishicha, agar transfer amalga oshsa, Gyulerning sobiq klubi «Fenerbaxche» ham sezilarli summa oladi. Chunki ular futbolchining keyingi transferidan 20 foizlik ulushga egalik qilishadi, bu esa roppa-rosa 23 million yevroni tashkil etadi.