Yarim himoyachi Enso Fernandes «Chelsi»ni «Manchester Siti»ga almashtirishi mumkin.
«Shaharliklar»ning 25 yoshli argentinalik futbolchiga bo‘lgan qiziqishi yangi bosqichga chiqqani va aniq tus olgani haqida ma’lumot paydo bo‘ldi. Fernandesni o‘z jamoasida «Chelsi»dagi birgalikdagi faoliyati orqali o‘yinchining imkoniyatlarini juda yaxshi biladigan Enso Mareska ko‘rishni xohlamoqda.
Nufuzli insayder Fabrisio Romano ijtimoiy tarmoqlarda xabar berishicha, bitim taqdiri belgilangan narxga bog‘liq. «Chelsi» 120 million funt (taxminan 140 million yevro) miqdoridagi summada oyoq tirab turibdi.
Ta’kidlash joizki, Enso Fernandesning «Chelsi» bilan amaldagi shartnomasi 2032 yilning o‘rtalarigacha mo‘ljallangan.
