Ярим ҳимоячи Энцо Фернандес «Челси»ни «Манчестер Сити»га алмаштириши мумкин.
«Шаҳарликлар»нинг 25 ёшли аргентиналик футболчига бўлган қизиқиши янги босқичга чиққани ва аниқ тус олгани ҳақида маълумот пайдо бўлди. Фернандесни ўз жамоасида «Челси»даги биргаликдаги фаолияти орқали ўйинчининг имкониятларини жуда яхши биладиган Энцо Мареска кўришни хоҳламоқда.
Нуфузли инсайдер Фабрицио Романо ижтимоий тармоқларда хабар беришича, битим тақдири белгиланган нархга боғлиқ. «Челси» 120 миллион фунт (тахминан 140 миллион евро) миқдоридаги суммада оёқ тираб турибди.
Таъкидлаш жоизки, Энцо Фернандеснинг «Челси» билан амалдаги шартномаси 2032 йилнинг ўрталаригача мўлжалланган.
