«PSJ» bosh murabbiyi Luis Enrike UEFA Superkubogi uchun bahsda «Aston Villa» ustidan 2:1 hisobida qozonilgan g‘alabadan so‘ng uchrashuv haqida fikr bildirdi.
«O‘yin oson bo‘lmasligini bilardik. Ammo “PSJ” biz istagan tarzda o‘ynay oldi. Futbolchilarim o‘z imkoniyatlarini namoyish etishdi. Balki hozircha eng yaxshi holatimizda emasdirmiz, ammo bu uchrashuv yana bir bor biz kim ekanimizni va doimo sovrinlarni qo‘lga kiritishimizga, yuqori darajada o‘ynashimizga yordam beradigan muxlislarimiz kim ekanini yaqqol ko‘rsatdi.
Sovrinlarni qo‘lga kiritish qanchalik qiyin ekanini bilaman, ayniqsa bunga shunchalik intiladigan klubda. Uch yil oldin hamma jamoamiz juda yosh ekanini aytgandi, biz esa buning aksini isbotladik. Hali ko‘p jihatlarni yaxshilashimiz kerak. Biz o‘z zaif tomonlarimizni bilamiz, ammo bunday yaxshi kayfiyatdagi jamoani boshqarish imkoniyatiga ega ekanimdan juda xursandman», — deya Enrikeni so‘zlarini keltirdi UEFA rasmiy sayti.
«PSJ» ketma-ket ikkinchi yil mavsumni UEFA Superkubogi uchun o‘yindagi g‘alaba bilan boshladi.
