«Yuventus»ning yangi hujumchisi Kerim-Sem Alaybegovich Turin klubi afsonasi Alessandro Del Pyero tomonidan bildirilgan iliq fikrlarga munosabat bildirdi.
«Alessandro Del Pyero tanishtiruvga muhtoj emas, uni hamma taniydi — u haqiqatan ham buyuk o‘yinchi va haqiqiy afsona edi. Men undan faqat o‘rnak olishim mumkin. Uning men haqimda shunday gaplarni aytgani men uchun katta sharaf, chunki bunday afsona siz haqingizda fikr bildirganida, bu bo‘lakcha tuyg‘u beradi. Lekin, albatta, hammasi bu bilan tugamaydi: biz tinimsiz mehnat qilishda davom etishimiz kerak. Endigina jamoaga keldim va qo‘limdan kelganicha bor imkoniyatimni ko‘rsatishni xohlayman, oldinda meni uzoq yo‘l kutmoqda», — dedi Alaybegovich Tuttosport nashriga bergan intervyusida.
