Ayni paytda MLS doirasidagi «Neshvill» — «Inter Mayami» uchrashuvi bo‘lib o‘tmoqda. Bellashuv «GEODIS Park» stadionida o‘tkazilmoqda.

Uchrashuvning 23-daqiqasida «Inter Mayami» hujumchisi Lionel Messi penaltidan gol urish imkoniyatini qo‘ldan chiqardi.

Birinchi bo‘limda mezbonlar 17-daqiqada Naxarning goli evaziga hisobni ochgan bo‘lsa, mehmonlar 45+3-daqiqada Segoviyaning goli bilan javob qaytardi. Tanaffusga jamoalar 1:1 hisobida yo‘l oldi.

Joriy mavsumda Messi barcha musobaqalarda 20 ta uchrashuvda qatnashib, 15 ta gol va 8 ta golli uzatma muallifi bo‘ldi.

Argentinalik yulduz 2023 yildan buyon «Inter Mayami» sharafini himoya qilib kelmoqda. Uning klub bilan amaldagi shartnomasi 2028 yilgacha mo‘ljallangan.

Transfermarkt portali ma’lumotlariga ko‘ra, 39 yoshli futbolchining bozor qiymati 15 million yevroni tashkil etadi.